“Агуу санааг энгийнээр тайлбарлах нь” цувралын “Архитектур” ном нь шинжлэх ухаан, урлаг, бүтэц зохион байгуулалт хийгээд хэлбэрийн гайхалтай нэгдэл болох архитектурын үүсэл, хөгжил, тус салбарын хүрээнд бий болсон бүтээн байгуулалтын түүх, техник технологийн шинэ санаануудыг багтаасан, эдгээрийг энгийн ойлгомжтой бөгөөд сонирхолтой агуулгаар танилцуулсан бүтээл юм.

Уг ном нь барилга, архитектур, инженерчлэл, уран баримал, интерьер засал, материал үйлдвэрлэл, түүнчлэн театр, тайз засал, урлаг соёл, түүх, байгаль орчин гэх мэт хүн төрөлхтний түүхэн замнал, оюуны цар хүрээг сонирхон судлагч хэн бүхэнд зориулсан бүтээл билээ.

Энэхүү бүтээл таны архитектурын тухай ойлголтыг тэлэхийн зэрэгцээ:

- Дэлхий дахины түүхэн дурсгалт газрууд, сод бүтээн байгуулалттай танилцах

- Тодорхой баримт, хүснэгт, зураг, он цагийн дарааллын дагуу түүхийн мэдлэгээ арвижуулах

- Тухайн газар орон, бүс нутгийн архитектураар дамжуулж бусад улсын соёл урлаг, сэтгэлгээний үнэт зүйлсийн тухай мэдээлэл авах

- Барилга, зам тээвэр, хот зохион байгуулалтын шинэлэг арга барил, техник технологийг цаг алдалгүй таньж мэдэхэд тань туслах болно.

Архитектур номын хүрээнд барилга байгууламж анх хэрхэн бий болсноос эхлээд готик, классицизм, барокко, рококо, модернизм, постмодернизм зэрэг эдүгээгээс өдийг хүртэлх хэв маяг, тэдгээрийн шинж чанар, ач холбогдлыг суралцах боломжтой